Geethapranthangalil ഗീതപ്രാന്തങ്ങളിൽ

പുത്തേഴത്ത് രാമമേനോൻ എഴുതിയ ഒരു മലയാള ലേഖനങ്ങൾ അടങ്ങിയ പുസ്തകമാണ് ഗീതപ്രാന്തങ്ങളിൽ; ഗീതയുടെ സർവ്വതോ മുഖമായ പ്രാധാന്യത്തെയും സർവ്വാർദൃതമായ പ്രമേയത്തെയും പറ്റി വിശദമായും ലളിതമായും പ്രതിപാദിക്കുന്ന ഒരു പുസ്തകം. കർമ്മയോഗം, ഭക്തിയോഗം മുതലായ അനുഷ്ഠാന പദ്ധതികൾക്ക് പുറമെ മനുഷ്യജീവിതത്തിന്റെ മൂല്യങ്ങളെയും ആദർശങ്ങളെയും പൂർണ്ണ മനുഷ്യന്റെ ജീവിതരീതിയെയും പറ്റിയുള്ള ഗീതാകാരന്റെ അഭിപ്രായത്തെയും ഇതിൽ വിശദമായി വിശകലനം ചെയ്യുന്നുണ്ട്. മാത്രമല്ല മാറിമറിഞ്ഞു കൊണ്ടിരിക്കുന്ന ഇന്നത്തെ ലൗകിക ജീവിതത്തിൽ ആശയും ആശ്വാസവും അഭിവൃദ്ധിയും ആഗ്രഹിക്കുന്ന മനുഷ്യൻ ആവശ്യം അറിഞ്ഞിരിക്കേണ്ട ഗീതാ തത്ത്വങ്ങളെപ്പറ്റി 'ഗീതയിലെ പുരോഗമനം', 'ഗീതയും രാഷ്ട്ര ജീവിതവും', 'ഗീതയും മതപരിവർത്തനവും' മുതലായ ലേഖനങ്ങളിൽ ബോധ്യം വരത്തക്ക വിധത്തിൽ വിവരിച്ചിരിക്കുന്നു.